في يوم من الايام ما كنا نتصور كبشر ان نقدر نتواصل مع الناس يسكنون في مكان اخر الى عن طريق اللقاء المباشر بعدين طلع عندنا التليفون واختصر كثير من المسافات بعدين طلع لنا الهواتف الذكية واختصرت لنا اكثر واكثر لكل تقنية ايجابيات وسلبيات يعني قبل كنا نروح نتواصل نجتمع في مناسبات نتحرك الحين كل شي اسويه واحنا بالبيت حتى التسوق, انتسوق واحنا بالبيت قبل لو بتقول لاحد انه ممكن ايصير اتسوق وانت بالبيت كان ممكن يشك بعقليتك, انا سمعت خبر انتشر هل اليومين انه قوقل له خاصية تجريبه جديدة , قوقل يشم ههههههه اي يشم الروائح وممكن يعرض لك اي رائحه انت خاطرك فيها عن طريق خاصية البحث بالروائح .
ادري السالفه اتضحك ولي الحين محد يدري اذا اهي كذبه ابريل من قوقل او صج قاعد يشتغلون على الموضوع, بس ماكو شي مستحيل قبل ما كنا نتوقع انه في تليفونات تشتغل باللمس ولا في برامج تواصل اجتماعي كل شي بيسويه العلم والتكنولوجيا لين خلاص ماكو سبب يخليك تطلع من البيت اخليك مع فيديو قوقل يشم :)
http://www.youtube.com/watch?v=VFbYadm_mrw&feature=player_embedded
